إعادة اكتشاف الصفر والواحد
امبارح وانا راكب الأتوبيس، كنت واقف وقصادي مباشرة اللوحة الإلكترونية اللي بتعرض المحطات اللي بيعدي عليها الأتوبيس، لاحظت إن اللوحة عبارة عن صفوف من النقاط المضيئة، واكتشف الطريقة المذهلة اللي بتشتغل بيها اللوحة: كل نقطة بتنور في لحظة معينة ولمدة معينة، ونقطة مع نقطة بتكون الحروف والفترة اللي بتكون منورة فيها بتحدد حركة الكلمات وسرعة العرض. يعني مثلا لو تخيلنا إن اللوحة عبارة عن جدول من 5 صفوف في 50 عمود وكل خلية عبارة عن نقطة إلكترونية. فعشان مثلا نكتب الحرف ا، فاللوحة هتنور في الخلية رقم (1،1) ، (2،1) (3،1)، (4،1) ،(5،1) وعشان الحرف يتحرك ناحية اليمين فالخمس خلايا مع بعض هينطفوا، وبعدين الخلايا (1،2) ، (2،2) ،(3،2)، (4،2)، (5،2) هينوروا ..وهكذا .. فانت بinput واحد اللي هو on & off عملت معلومات لا نهائية، انت ممكن تكتب أي كلام وممكن ترسم.. والحقيقة دي أكتر حاجة فهمتني فكرة الصفر وواحد في ال computer science.